【是陌生人抹去你孩子面上的眼淚】
831無家可歸一事後（自己爬文）
我媽尋晚又send咗段藍絲整嘅微電影嚟
我無耐性睇，飛住去睇試圖去搵中心思想：
大概係話依家啲年輕人被朋友/網上論壇煽動，
網上論壇「明登」洗腦，激發佢哋上街/做前線/做犯法行為⋯
中間無睇，後來青年被拉，驚覺自己被利用
最正係大結局，發現還是老豆老母最好，悔不當初。
呢種「浪子回頭，老豆老母一早講撚咗你」嘅結局
係我媽呢種無咩腦嘅港豬偏藍最怕暴力師奶最啱睇。
事後我send咗一段野畀佢，然後現正進行我嘅沉默抗議。
我唔否認老豆老母最後都一定係會打開大門歡迎仔女
我都唔否認老豆老母都只係唔想自己仔女受傷
我亦唔係要煽動任何人同父母決裂啦，斷六親啦⋯
我係想話畀呢班父母知，你可以唔認同，但請你學識理解。
點解一班年輕人情願上網圍爐，都唔同父母傾訴？
因為你哋一開口就係責備說話！
我媽831嗰日講咗句「叫咗你唔好去啦！」
去到麥仔屋企麥媽媽話「得啦依家無事就得啦」
從來最需要嘅只係父母雪中送炭，而唔係用言語打多兩下。
呢兩個月我真係覺得陌生人比起父母更加溫暖
並唔係因為政見，亦唔係因為佢哋理念一樣
而係陌生人都比父母更加懂得關心大家嘅心理同情緒。
呢兩個幾月不論藍黃政見，大家都有好多負面情緒
而當屋企都變成戰場，番到屋企被鬧被指責
不停聽到父母係度鬧暴徒話要打曱甴
呢一切由始至終都唔係「關心子女」，
而係「挖苦」「諷刺」「責備」「挑釁」「傷害」⋯
所以唔好再話點解仔女對陌生人都仲溫暖
有因必有果，因為我哋心上嘅溫暖係陌生人畀
我哋身心嘅傷係陌生人救，我哋嘅眼淚係陌生人抹⋯
我未做父母，但根據二十八年做人個女經驗
一對父母好與壞，在乎溝通與關懷，與金錢物質無關。
一對好父母嘅基本，就係懂得/嘗試去理解，
喺事情上唔係追究責任，而係嘗試去了解孩子背後嘅原因
致各位一樣不被父母了解嘅手足：
沒關係，我們還有彼此。（抱抱）
IG：@hkgirlfriend
FB：港女友
Search